فرضية ريمان شرح بسيط جدا جدا
1
( ينصح قراءة الحلقة الأولى )
دالة زيتا بطريقة سهلة
أنا هعتبر القارئ لا يعلم أي شئ عن الرياضيات وهحاول ابسطها جدا جدا
نبدأ من الأول خالص
لو عايز تعد هتقول إيه ؟
1,2,3,4,5 وهكذا
وده سميت مجموعة الأعداد الطبيعية ويرمز لها بالرمز N
{.... ,N={0,1,2,3,4
بعد كده ظهرت مشكلة
3 - 4
مش هعرف اخد اربعة من ثلاثة !
(يعني لو واحد كسب 3 جنية وخسر 4 جنية يبقى في النهاية خسر 1 جنية)
وسموها الأعداد الصحيحة ورمزها Z
بعد كده ظهرت مشكلة
1 ÷ 3
فعملوا الكسور علشان الناتج يكون 1/3
(يعني لو في رغيف عيش عايزين نقسمة على 3 كل واحد يأخذ ثلث)
وسموها مجموعة الأعداد النسبية ورمزها Q
بعد كده ظهرت مشكلة
لما أسأل واقول ما هو العدد الذي إذا ضرب في نفسه كان الناتج 9
هتقول 3
لأن 3 × 3 = 9
طيب ما هو العدد الذي إذا ضرب في نفسه كان الناتج 2
عملوا حاجة اسمها الجزر التربيعي ل 2
وكبروا الأعداد النسبية وسموها الأعداد الحقيقية ورمزها R
بعد كده ظهرت مشكلة
هو إيه العدد إلي يضرب في نفسه يطلع -1
لا ... ده مستحيل أنت كده بتتخيل
وفعلا عملوا رقم تخيلي 😂
وكبروا الأعداد الحقيقية وخلوها الأعداد المركبة ورمزها C
مركبة يعني جزء حقيقي وجزء تخيلي
طيب تعالى نلعب لعبة
قول أي رقم وأنا هرد عليك برقم وتقولي أنا بعمل إيه بالظبط
لو قلت 1 هقول 2
لو قلت 3 هقول 4
لو قلت 8 هقول 9
لو قلت 13 هقول 14
اظن سهلة
أنا كده بأخذ الرقم وبعمله + 1
وده اسمها في الرياضة دالة function
بتتكتب كده y=x+1 أو كده
ممكن ناخد الأرقام ده ونحطها في جدول
وممكن نرسمها كمان
وممكن نسأل ونقول متى تكون هذه الدالة تساوي صفر ؟
يعني متى يكون x+1=0
الجواب لما تكون x تساوي -1
لأن لو واحد كسب 1 جنية وخسر 1 جنية يبقى في النهاية صفر
تمام ... بس كده
ريمان بقى عمل دالة بس بالأعداد المركبة وسمها دالة زيتا
المطلوب من حضرتك تشوف متى تكون هذه الدالة تساوي صفر ؟؟
بس بالإثبات الرياضي
لأن هو متوقع الحل
بس ....
المرة القادمة بإذن الله هنتكلم عن أهميتها ولو عايز افهمها بتوسع أعمل إيه؟
تعليقات
إرسال تعليق
يسعدني التواصل معكم